ვინც ფიროსმანს იხილავს, ის საქართველოსაც გაიცნობს
"შეხვედრა ფიროსმანთან" - ამ სახელწოდების მქონე პროექტის ფრაგლებში ვიმოგზაურე საქართველოში გერმანელ ხელოვანთა ჯგუფთან ერთად 2008 წლის ოქტომბერში და ორი კვირის მანძილზე ვცდილობდი სახელგანთქმული ქართველი მხატვრის თვალით დამენახა ეს ქვეყანა. ქვეყანა, რომლის კულტურის ფესვები ჯერ კიდევ ქრისტეს დაბადებამდე მეოთხე საუკუნეშია საძიები და რომელიც უცხო ქვეყნების დამპყრობლების მიერ გამუდმებით ნადგურდებოდა. ქვეყანა, რომლის ბინადარნი თავისი სულიერი სიწმინდით სავსე თავდადებით საკუთარ რწმენას ინარჩუნებდნენ და ურიცხვ ეკლესიებს აგებდნენ. ქვეყანა, რომელმაც ბოლო ომი 2008 წლის აგვისტოში რუსეთის წინააღმდეგ გადაიტანა. აი, ამ ქვეყნის სხვადასხვა კუთხიდან წამოვიღე მე დასამუშავებლად მიწა. იმ ადგილებიდან, რომლებიც თავიანთი ხანგრძლივი ისტორიითა და კულტურით გამორჩეულნი არიან ამ ქვეყანაში. ეს კუთხეები სწვდება იმ მითოლოგიური ადგილს, სადაც კავკასიონის ერთ-ერთ მთაზე, მყინვარწვერზე (ყაზბეგი) პრომეთე იყო მიჯაჭვული და იმ ადგილსაც, სადაც მდინარე მტკვარზე გადებული ამიერკავკასიის ორი ნაწილის შემაერთებელი სარკინიგზო ხიდი 2008 წლის აგვისტოში დაიბომბა და დაინგრა. ამ ადგილებიდან წამოღებული მიწით შექმნილი ნამუშევრები ისეთივე აუთენტურია, როგორც ფიროსმანის სურათები.